AQSh Eýropaǵa tikeleı gaz jetkizýdi júzege asyrýǵa ázir - Obama
ASTANA. QazAqparat - AQSh EO elderiniń reseılik otynǵa táýeldiligin tómendetý úshin Eýropaǵa tabıǵı gazdyń tikeleı jetkizilimin júzege asyrýǵa ázir, dep málimdedi AQSh prezıdenti Barak Obama AQSh-EO sammıti qorytyndylary boıynsha baspasóz máslıhatynyń barysynda, dep habarlady reseılik «Jańalyqtar» agenttigi.
«Biz (sanktsııalardy kúsheıtý) ártúrli elderde, sonyń ishinde EO elderi ishinde árqalaı kórinis beretinin túsinemiz, olardyń keıbireýleri reseılik otynǵa kóbirek táýeldi, biz muny eskeremiz. Biz (AQSh) qazirdiń ózinde Eýropa elderiniń tutynýynan asatyn tabıǵı gaz kólemi eksportyn júzege asyra alamyz. Biraq ta ol ashyq naryqqa, lıtsenzııalary bar jeke kompanııalar arqyly satylady. Joǵary deńgeıde, bizdiń energetıka mınıstrlerimiz arqyly bul úrdisti pysyqtaý úshin ýaǵdalasý qajet, biz muny isteýge nıettimiz», - dep málim etti Obama.
Sonymen birge ol AQSh eýropalyq elderdiń ekonomıkasyna aýqymdy tikeleı ınvestııalardy júzege asyrýdy jalǵastyrýǵa nıetti ekendigin qosty.
«Biz qazirdiń ózinde Eýropamen úlken kólemde saýda júrgizip otyrmyz jáne eýropalyq ekonomıkaǵa aýqymdy tikeleı ınvestıtsııalardy júzege asyramyz. Bul ózgermeıdi», dep málimdedi prezıdent.
Reseı EO-nyń iri energııa tasymaldaýshylarynyń biri. Ótken jyly gazdy eksporttaý 2012 jylmen salystyrǵanda 23,9 paıyzǵa ósip, 139,32 mıllıard tekshemetrdi qurady. Reseı gazy, atap aıtqanda Ýkraına arqyly tranzıtpen Eýropaǵa jetkiziledi.
16 naýryzda Qyrymda avtonomııa mártebesi týraly referendým ótti, onyń qorytyndysymen Reseı óńirdi óz quramyna qosyp aldy. Osyǵan baılanysty AQSh, EO jáne olardyń áriptes elderi Reseıdiń keıbir ókilderine sanktsııa engizdi. Osyǵan baılanysty Reseı prezıdenti Vladımır Pýtın budan buryn referendým ótkizý halyqaralyq quqyq normalaryna, BUU Jarǵysyna sáıkes keledi dep málimdedi, al RF SІM Reseımen sanktsııa tilimen sóılesý oryndy emes jáne keri áser etedi, dep atap ótti.
