AQSh Eýroodaq taýarlaryna shekteý salýy múmkin
NUR-SULTAN. QazAqparat - AQSh Eýroodaqtan keletin taýarlardy 11 mlrd dollarǵa deıin shekteý máselesin qarastyryp jatyr, dep habarlaıdy QazAqparat VVS basylymyna silteme jasap.
Aqparatqa qaraǵanda, mundaı sharaǵa AQSh tarapy Airbus jarııalaǵan sýbsıdııalarǵa baılanysty baryp otyr. Al Dúnıejúzilik saýda uıymy sýbsıdııalar AQSh-qa keri áserin tıgizip jatqanyn alǵa tartqan.
«Bul jaǵdaı AQSh pen Eýroodaq arasyndaǵy saýda shıelenisin týǵyzatyn bolady», dep jazady avtor. Onyń paıymynsha, atalǵan másele 14 jyl boıy qarastyrylǵan.
Esterińizge sala ketsek, byltyr AQSh Eýroodaq pen basqa seriktesterinen keletin alıýmınıı men qalaıy ımportyna qosymsha aqy engizgen bolatyn. Oǵan jaýap retinde Eýroodaq amerıkalyq taýarlarǵa shekteý engizip, 2,8 mlrd eýroǵa sanktsııa jarııalady. Al ótken aıda AQSh prezıdenti Donald Tramp Eýroodaqtan ákelinetin kólikterge tarıf engizetinin aıtqan edi. Degenmen, Eýroodaq «11 mıllıard dollar tarıfin shekten shyqqan shara» dep baǵalaǵan.
