AQSh-tan esirtki jetkizgen kúdikti 16 jylǵa sottaldy

ASTANA. KAZINFORM – Aqmola kólik prokýratýrasy jáne Astana qalasynyń Ekonomıkalyq tergep-tekserý departamenti el aýmaǵyna esirtki quraldaryn, onyń ishinde halyqaralyq poshta jóneltimderi arqyly ákelýge jol bermeýge baǵyttalǵan aldyn alý sharalaryn qabyldap jatyr.

Jedel-izdestirý is-sharalary barysynda AQSh-tan QR azamattarynyń atyna halyqaralyq poshta jóneltimderi arqyly turmystyq ónim retinde jasyrylǵan esirtki zattary túskeni anyqtaldy.

— «Qazposhta» AQ Astana qalasyndaǵy kedendik baqylaý aımaǵynda 1,2 kg gashısh maıy tárkilendi.

Sonymen qatar, aıyptalýshynyń turǵylyqty jerin tintý kezinde Almatyda 4,38 gramm oralǵan mefedron tabyldy, - dep jazdy Bas prokýratýradan.

Astana qalasynyń qylmystyq ister jónindegi mamandandyrylǵan aýdanaralyq soty aıyptalýshyny asa iri mólsherde esirtki jáne psıhotroptyq zattardy kontrabandaǵa jáne ótkizýge kináli dep tanydy. Oǵan 16 jylǵa bas bostandyǵynan aıyrý jazasy taǵaıyndaldy.

Úkim zańdy kúshine engen joq.

Aıta keteıik, Aqmola oblysynda esirtki jasyryp júrgen 19 jastaǵy turǵyn ustaldy.