AQSh energetıkalyq sýsyndarǵa tyıym salýda
ASTANA. 19 qarasha. QazAqparat - AQSh-tyń tamaq ónimderi men dári-dármekterdiń sapasyna sanıtarlyq baqylaý basqarmasy (FDA) quramynda kofeıni bar alkogoldi ishimdikterdi óndirýshilerge olardyń ónimderi zańsyz jáne adam densaýlyǵyna qaýipti ekendigin eskertti, dep habarlaıdy Vestı.Rý agenttigi.
"Bul sýsyndardyń quramynda túrli qospalar kóp ári federaldyq standarttarǵa sáıkes kelmeıdi", - dep naqtylaıdy AFP agentigi FDA bastyǵynyń orynbasary Djoshýa Sharfsteın. Onyń aıtýynsha, bul ónimderdi óndirýshiler, sonyń ishinde Phusion Projects LLC, United Brands Co, New Century Brewing Co jáne Charge Beverages kompanııalary sýsynnyń quramyndaǵy kofeın men alkogol adam densaýlyǵyna zııansyz ekendigin dáleldeı almady.
"Mundaı sýsyndarǵa ónimniń qunarlyǵyn arttyrý úshin degen jeleýmen kofeın qosý tipten zańsyz", - dep atap kórsetti Sharftseın.
