AQSh Energetıka mınıstrligi: Jyldyń sońyna deıin munaı barreliniń quny $50 deıin kóterilýi múmkin
ASTANA. QazAqparat - 2016 jyldyń sońyna qaraı munaı barreliniń baǵasy shamamen 50 dollarǵa deıin kóteriledi, dep málimdedi AQSh Energetıka mınıstrligi energetıkalyq aqparat basqarmasynyń (EIA) basshysy Adam Semınskı.
«Kelesi jylǵa ótkende munaı barreliniń baǵasy 50 dollardy quraıdy. Qazir onyń quny 45 dollar (bir barreli) shamasynda», - dedi Semınskı.
Buryn habarlanǵandaı, munaıdyń jalpy baǵasynyń boljamy sáýirdikine qaraǵanda joǵary boldy. 2017 jylǵy boljam qazir bir barrel úshin 50,65 dollardy quraıdy. Sáýirde munaıdyń bir barreliniń baǵasy 40,58 dollar bolady dep boljanǵan. EIA baǵa ósimin boljaǵanyn ekonomıkalyq málimetterdiń jaqsarýymen, AQSh-ta munaı óndirisiniń jáne burǵylaıtyn jabdyqtardyń tómendeýimen túsindirdi, dep jazdy RIA Novostı.
Óndiris kóleminiń joǵary bolýy saldarynan munaı baǵasy 2014 jylǵy maksımýmmen (bir barrel úshin 110 dollardan astam) salystyrǵanda 60% arzandady.
