AQSh Energetıka mınıstrligi: 2020 jyly munaı baǵasy $80 bolady

ASTANA. QazAqparat - Munaı baǵasy 2016 jyly tómen deńgeıde saqtalady, alaıda 2020 jyly munaı barreliniń baǵasy 80 dollarǵa deıin kóteriledi. Bundaı boljamdy AQSh Energetıka mınıstrligi energetıka jónindegi aqparattar basqarmasynyń (EIA) bas dırektory aıtty, dep habarlaıdy Reuters-ke siltememen Gazeta.ru.

«Bıyl baǵa burynǵydaı tómengi deńgeıde bolady dep boljam otyrmyz, al 2017 jyldyń ortasynan bastap óse bastamaq. 2020 jyly munaı barreliniń baǵasy 80 dollarǵa deıin kóteriledi», - dedi ol.

Ol sondaı-aq AQSh OPEK-ke múshe emes elderde munaı óndirý boıynsha áli de kósh bastap turǵanyn atap ótti.