AQSh energetıka mınıstri: Klımat týraly daý áli aıaqtalǵan joq
ASTANA. QazAqparat - AQSh Energetıka mınıstri Rık Perrıdiń pikirinshe, «klımat ózgeredi» jáne «oǵan adamzat yqpal etedi. Bul týraly ol Aq úıde ótken baspasóz brıfınginde aıtty.
Buǵan deıin qazirgi AQSh ákimshiliginiń ókilderi klımattaǵy ǵalamdyq topansý tujyrymdamasynyń durystyǵyna jıi kúmán keltiretin, dep habarlaıdy TASS agenttigi.
Rık Perrı klımattyń ózgerýine baılanysty ǵylym áli sońǵy sózin aıtpaǵandyǵyn jetkizdi.
Perrıdiń pikiri klımattaǵy ǵalamdyq topansý tujyrymdamasyna birneshe ret kúmán keltirgen AQSh-tyń qazirgi ákimshiliginiń ókilderi men prezıdent Donald Tramptyń da nazaryn aýdardy. Tramptyń ózi bir kezderi «bul amerıkalyq ónerkásipterdi básekege qabiletsiz etýge» baǵyttalǵan jańsaq pikir dep sendirgen bolatyn.
Aq úı AQSh ákimshiliginiń ótken jumys aptasyn energetıka máselelerine arnady. Onyń seısenbi kúni taratqan anyqtamasynda prezıdent Tramptyń eldiń klımat ózgeristerine baılanysty Parıj kelisiminen shyǵatyndyǵy basa aıtylǵan.
