AQSh energetıka mınıstri Iran kelisimnen bas tartsa jańa sanktsııalar salamyz dep otyr

ASTANA.KAZINFORM - Aq úı ákimshiligi Iran eksportyn nólge deıin azaıtyp, Irannyń ıadrolyq qarýǵa ıe bolýyna jol bermeýdi kózdep otyr, dep habarlaıdy Kazinform tilshisi.

AQSh Energetıka mınıstri Krıs Raıt seısenbi kúni Iran Donald Tramppen ıadrolyq baǵdarlama boıynsha kelisimge kelmese, Iranǵa qatań sanktsııalar salynýy múmkin ekenin eskertti.

Aıta keteıik, senbi, 12 sáýirde Omanda Iran men AQSh arasynda Irannyń ıadrolyq baǵdarlamasyna qatysty kelissózder ótedi. Bul týraly seısenbi kúni Tramp málimdedi.

- Sondyqtan men Iranǵa qarsy óte qatań sanktsııalardy kútemin jáne ol olardy ıadrolyq baǵdarlamasynan bas tartýǵa májbúr etedi dep úmittenemin, - dedi Raıt CNBC-ge.

Sársenbi, 9 sáýirde Raıt Taıaý Shyǵysqa, onyń ishinde Katar men BAÁ, sondaı-aq Saýd Arabııasy sııaqty eki aptalyq týrnege attanady. Bul onyń AQSh-tyń resmı ókili retinde Munaı eksporttaýshy elder uıymynyń (OPEK) is júzindegi kóshbasshysyna birinshi sapary bolmaq.

Tramp Irannyń ıadrolyq qarý jasaýyna jol bermeý úshin ırandyq munaı eksportyn nólge deıin qysqartatynyn aıtty.

Munaı baǵasynyń tómendigi AQSh-qa taǵy bir iri munaı eksporttaýshy Reseıdi Ýkraınadaǵy soǵys týraly kelisimge kelýge májbúrlep, Máskeýdi soǵysty qarjylandyrý úshin súıenetin kiristiń bir bóliginen aıyrý arqyly da kómektesýi múmkin.

Sondaı-aq Saýd Arabııasy, BAÁ jáne Katardyń AQSh-taǵy ınvestıtsııasy talqylanady.

Tramp buǵan deıin Er-Rııadpen 1 ​​trıllıon dollarlyq ınvestıtsııalyq kelisimge qol qoıý úshin mamyr aıynyń ortasynda úsh elge barýdy josparlap otyrǵanyn aıtqan bolatyn.

Osyǵan deıin Tramp mıgranttarǵa kúnine 1000 dollarǵa jýyq aıyppul salýdy josparlap otyrǵany týraly jazdyq.