AQSh elshiligi qazaqstandyqtarǵa vızanyń qoldanylý merzimi týraly túsinikteme berdi

ASTANA. KAZINFORM –  AQSh-tyń Qazaqstandaǵy elshiligi qazaqstandyqtar arasynda jıi qoıylatyn suraqqa jaýap berdi. 

Jıi qoıylatyn suraqtyń biri  «Vızam bar, biraq AQSh-ta qansha ýaqyt bola alamyn?»

Dıpmıssııanyń túsindirýinshe, sheteldik azamattyń AQSh-ta bolý merzimi vıza merzimimen emes, elge kirgen kezde Keden jáne shekarany qorǵaý qyzmeti qyzmetkeri belgileıtin ýaqytpen anyqtalady.

— AQSh-qa kelgen shetel azamatynyń elde qansha ýaqyt bola alatynyn vızańyzdyń merzimi emes, elge kirgen sátte Keden jáne Shekarany baqylaý ofıtseri belgileıdi. Elde qansha ýaqyt bola alatynyńyzdy bilý úshin I-94 qujatyńyzdaǵy kúndi i94.cbp.dhs.gov tekserińiz, — delingen túsindirmede.

Posmotret etý pýblıkatsııý v Instagram

Pýblıkatsııa ot U.S. Embassy to Kazakhstan (@usinkz)

Buǵan deıin AQSh Azamattyq jáne ımmıgratsııalyq qyzmeti elde turýǵa nemese jumys isteýge ótinish bergen adamdardy «antıamerıkandyq kózqarastarǵa» tekserý saıasatyn engizgen bolatyn. Bul áleýmettik jelilerdegi jazbalardy da baqylaýdy qamtıdy.

Jańa talaptar ımmıgratsııalyq quqyq qorǵaýshylar men zańgerler arasynda alańdaýshylyq týǵyzdy.

Aıta keteıik, bıyl AQSh Memlekettik departamenti Donald Tramp ákimshiliginiń sheteldik stýdentterge qatysty qatań saıasaty aıasynda alty myńnan astam stýdenttik vızany joıǵan.