AQSh elshisi óziniń kıiz úıin kórsetti

ASTANA. QazAqparat - AQSh-tyń Qazaqstandaǵy Tótenshe jáne Ókiletti elshisi Djordj Kroldyń aıtýynsha, kıiz úıde ol mártebeli qonaqtardy qarsy alyp, qazaq xalqynyń ulttyq taǵamdaryn usynady, dep xabarlaıdy QazAqparat tilshisi.

Kıiz úı AQSh elshiliginiń aýmaǵynda ornalasqan. Іshinde barlyq jıhazdary qoıylmasa da, bezendirilý jaǵy kóz toıatyndaı. Ortada bir ústel, jan-jaǵynda otyratyn jerler, sondaı-aq mýzyka qoıatyn arnaıy apparatýra bar. Kıiz úıge qosymsha ǵımarat arqyly ótýge bolady. Ol ǵımaratta resmı delegatsııalardy qabyldaıdy. Al shynymen qaptalǵan dálizben kıiz úıge kirýge múmkindik bar.
«Bul kıiz úıdi Qostanaı jaqta turatyn bir otbasy jasap bergen. Er azamattar qańqasyn qurastyrsa, áıelder bezendirý jaǵyn atqardy. Jańylmasam, 10-12 qanatty kıiz úı bul. Iá, xandar otyratyn kıiz úı. Men ózim buǵan deıin Ózbekstan memleketinde elshi boldym. Sol jaqta júrgende qazaqtyń elshisine jolyǵyp, osy jaqqa aýysqanda jergilikti xalyqqa óz qurmetimdi qalaısha kórsetsem bolatynyn suradym. Sonda onyń aıtqany, elshiliktiń jeri úlken bolsa, kıiz úı tigińiz. Sóıtip, men arnaıy tapsyrys berip, osy kıiz úıdi jasattym. Men ózim bul jerde qazaqtyń janyn sezetin sııaqtymyn. Janǵa jaıly baspana, erkindik pen keń dalanyń saryny seziledi. Ózbekstanda basqasha boldy», - dedi Krol jýrnalısterge bergen suxbatynda.

Elshiniń aıtýynsha, kıiz úıde ol resmı qonaqtardy qabyldaıdy. Ásirese, Qazaqstannyń mınıstrleri ony kórýge asyǵady eken.

Aıta keteıik, osydan eki jyl buryn AQSh elshiligindegi kıiz úıdiń ashylǵany jaıynda xabarlanǵan bolatyn.