AQSh elshisi Qazaqstanmen tikeleı reıs ashýǵa qatysty pikir bildirdi

NUR-SULTAN. QazAqparat – Qazaqstandaǵy Amerıka Qurama Shtattarynyń elshisi Ýılıam Mozer AQSh pen Qazaqstan arasynda tikeleı áýe reısterin ashý jóninde pikir bildirdi, dep habarlaıdy QazAqparat tilshisi.

«Ókinishke qaraı, pandemııa saldarynan bógelý bolǵanyn moıyndaımyn. ıAǵnı, bul protsess pandemııadan keıin jalǵasady. Óıtkeni Qazaqstanda tikeleı reıster ashýǵa qoıylatyn naqty standarttar bar. Olardyń qatarynda – jaqsy vızalyq rejım jáne qaýipsizdik standarttary bar», - dedi Ý. Mozer AQSh elshiligi uıymdastyrǵan onlaın dóńgelek ústelde.

Onyń aıtýynsha, tikeleı áýe reısin ornatý boıynsha standarttardy jetildirý úshin Vashıngtonnan sarapshylar kelýi tıis.

Eske sala ketsek, Qazaqstannyń Tuńǵysh Prezıdenti – Elbasy Nursultan Nazarbaev 2019 jyly Qazaqstan men AQSh arasynda tikeleı áýe reısterin ashý qajettigin aıtqan edi.