AQSh elshisi qazaqstandyqtardy elorda kúnimen quttyqtady

NUR-SULTAN. QazAqparat – Qazaqstandaǵy AQSh elshisiniń mindetin atqarýshy Djýdı Kýo otandastarymyzdy astana kúnimen quttyqtap, qaladaǵy súıikti oryndaryn kórsetti, dep habarlaıdy QazAqparat tilshisi.

Elshi mindetin atqarýshy Djýdı Kýo «Happy Capital Day» dep quttyqtaı otyryp, 1 mınýttyq vıdeorolık usynady. Onda Nur-Sultan qalasynyń birneshe nysany kórinis tapqan. Atap aıtqanda, «Báıterek» monýmenti, «Astana balet» teatry, «Kenesary» eskertkishi, Esil ózeniniń jaǵalaýy, meshit, «Hanshatyr» oıyn-saýyq ortalyǵy jáne «Atyraý kópiri» kórsetilgen.

Rolık Qazaqstandaǵy AQSh elshiliginiń áleýmettik jelisinde jarııalandy.

Vıdeodan alynǵan kadr