AQSh elshisi: Qazaqstan meni tańqaldyryp keledi
«2019 jyldyń naýryz aıynda Qazaqstanǵa elshi bolyp kelgende meni tańǵajaıyp tájirıbe kútip turǵanyn bildim. Bıyl Qazaqstan men AQSh tyǵyz yntymaqtastyǵyn dáleldeıtin kóptegen baǵdarlamalar men sharalarǵa qatysý mártebesine ıe boldym. Qazaqstannyń Táýelsizdigin moıyndaǵan alǵashqy memleket retinde AQSh jaryq bolashaq jolynda qoldaý kórsetýge daıyn. Sońǵy 10 aıda Qazaqstannyń túkpir-túkpirinde, Óskemende, Atyraýda, Oralda, Petropavl men Shymkent syndy túrli qonaqjaı qalalarda boldym», - dedi Ýılıam Mozer Facebook jelisinde jarııalanǵan quttyqtaýynda.
Sonymen birge, dıplomat elimizdegi kórikti oryndarǵa barý jóninde keńes bergen qazaqstandyqtarǵa alǵys aıtty.
«Áli talaı qyzyqty oryndardy kórýim kerek, sizderdiń aqyl-keńesterińiz óte qajet. Qazaqstan meni tańqaldyryp keledi. Ásirese, Kaspıı teńiziniń sulýlyǵy, Sharyn shatqalynyń ereksheligi tańdaı qaqtyrady. 2020 jyly da memleketterimiz arasyndaǵy dostyqty nyǵaıtýǵa yqpal etemiz dep úmittenemin. Jańa jyl qutty bolsyn!», - dedi Ý. Mozer.