AQSh Elshiligi jańartylǵan 100 dollarlyq banknottyń tanystyrylymyn ótkizedi
ALMATY. Sáýirdiń 15-i. QazAqparat /Erlik Erjanuly/ - Almatyda sáýirdiń 22-si kúni AQSh Elshiligi jańartylǵan 100 dollarlyq banknottyń tanystyrylymyn jasaıdy,
dep habarlaıdy QazAqparat Elshiliktiń baspasóz qyzmetine silteme jasap.
Bul sharaǵa AQSh Bas konsýldyǵy basshysynyń mindetin atqarýshy Robert Leın, AQSh Qupııa qyzmetiniń jasyryn agenti Frederık Vagner jáne Qazaqstan Ulttyq bankiniń ókilderi qatyspaq. Jalpy, jańartylǵan 100 dollarlyq banknottyń Qazaqstandaǵy tanystyrylý rásimi Vashıngtonda resmı tusaýkeser ótken soń kelesi kúni jasalǵaly otyr. AQSh-ta ony Qarjy mınıstri Tımotı Geıtner, Federaldyq rezerv júıesiniń tóraǵasy Ben Bernarke, Qazynashy Roza Rıos pen Qupııa qyzmettiń basshysy Mak Sallıvan tanystyrmaq. Tanystyrylym aınalymǵa engizilgen jańa dızaındaǵy 100 dollarlyq banknottyń erekshelikterimen barlyq qyzyǵýshylyq bildirýshi taraptardy aqparattandyrýǵa baǵyttalǵan ǵalamdyq úkimetaralyq aqparattyq baǵdarlamalardyń birinshi kezeńi bolyp otyr.
