AQSh elshiligi tehnıkalyq aqaýlarǵa baılanysty vıza berýdi toqtatty
ASTANA. QazAqparat - AQSh memlekettik departamenti Konsýldyq qyzmetter bıýrosy juma kúni tehnıkalyq aqaýlarǵa baılanysty óz elshilikterinde vıza men shetelge shyǵý tólqujatyn berýdi ýaqytsha toqtatty. Bul týraly syrtqy saıası vedomstvo baspasóz qyzmetine silteme jasap TASS habarlady.
«Bul problema naqty qandaı da bir elge, azamattyq nemese vızalyq sanat týraly qujatqa qatysy joq», - dep málimdedi Memlekettik departamentte.
Oqıǵaǵa konsýldyq derekqor saqtalatyn jabdyqtyń isten shyǵýy sebep bolǵan. 9 maýsymnan keıin ótinim bergen adamdar endi qujatty birshama keshiktirip alýy múmkin. Vedomstvoda bul jaǵdaı tek AQSh sheteldik ókildikterine qatysty ekenin atap ótti.
Memdepartamentte bolǵan jaǵdaıǵa ókinish bildiredi. «Bul máseleni tezirek retke keltirýge tyrysamyz. Júıe jýyq arada tolyqtaı iske qosylady dep oılaımyn», - dedi baspasóz qyzmetinen.
