AQSh Elshiligi qyzylordalyq polıtseılerge jańa avtokólikter syılady
QYZYLORDA. QazAqparat-Búgin Qyzylorda oblystyq esirtki bıznesine qarsy kúres basqarmasyna jáne Kınologııalyq qyzmet ortalyǵyna 5 avtokóliktiń kiltteri tabys etidi, dep habarlaıdy QazAqparat tilshisi oblystyq ІІD-ge silteme jasap.
Qazaqstan Respýblıkasyndaǵy AQSh Elshiliginiń Áskerı yntymaqtastyq bólimi joly kúrdeli aýmaqtarǵa arnalǵan SAN-AM Commander 800 DPS avtokóligin, «Toyota HILUX» kóligin, sondaı-aq qyzmettik-izdestirý ıtterin tasý úshin jaraqtandyrylǵan GAZ-27527 «Sobol» avtokóligin qaıtarymsyz negizde tapsyryp otyr.
Amerıka Qurama Shtattarynyń Qazaqstandaǵy Elshiliginiń bólimderi yntymaqtastyq aıasynda esirtki bıznesine qarsy kúres arnaıy bólinisterine tehnıkalyq qural-jabdyqtardy birneshe jyldar boıy berip keledi.
Esirtki bıznesine qarsy kúresti tikeleı júzege asyrýshy bólinister men kınologııalyq qyzmetke sońǵy 5 jylda jalpy somasy 2 mlrd. teńgeden astam qarjy bólindi.
QR Іshki ister mınıstrligi Esirtki bıznesine qarsy kúres jáne esirtki aınalymyn baqylaý departamenti bastyǵynyń orynbasary polıtsııa polkovnıgi Ardaq Erseıitov atalǵan avtokólikter Esirtkige qarsy kúrestiń halyqaralyq baǵdarlamasy sheńberinde satyp alynǵandyǵyn jáne jetý jaǵdaıy kúrdeli aýmaqtarda jedel izdestirý sharalaryn júrgizý úshin qoldanylatyndyǵyn atap kórsetti.
Atap óterlik jaıt, quramynda esirtki zaty bar ósimdikterdi anyqtaý, osyndaı derekterge qatysty kelip túsken habarlamalarǵa jedel túrde den qoıyp, barlyq quzyrly qyzmet salalarymen osy baǵyttaǵy jumysty úılestirý maqsatynda 2017 jyly Qyzylorda oblystyq Іshki ister departamentinde «Delta-Syrdarııa» arnaıy bólimshesi qurylǵan bolatyn.
