AQSh ekonomıkasy múshkil halde
ASTANA. 11 maýsym. Qaz Aqparat - Qazirgi tańda AQSh-tyń ekonomıkasy múshkil halde. Bul týraly el prezıdenti Barak Obama press-konferentsııada málim etti,
dep habarlaıdy «Qazaqstan» telearnasy.
Onyń aıtýynsha, Kongress qajetti sharalardy tez arada qolǵa alýy kerek. Shaǵyn jáne orta bıznesti damytý úshin memleket tarapynan túrli jańa qadamdar jasalýy tıis. Sońǵy kórsetkishter boıynsha, eldegi jumyssyzdyq kún sanap ósip keledi. Sol sebepti jańa jumys oryndaryn ashý qajet. Sondaı-aq, jahandy jaılaǵan qarjy daǵdarysy saldarynan qyzmetterinen aıyrylǵan muǵalimder, dárigerler, tártip saqshylary jáne basqa da qoǵamdyq eńbekkerlerge kómek kórsetilýi kerek. Prezıdenttiń pikirinshe, halyq aýqaty jaqsarǵanda ǵana, alpaýyt memlekettegi jaǵdaı túzeledi.
