AQSh ekonomıkasy ekinshi toqsanda boljamnan asyp tústi
ASTANA. KAZINFORM — AQSh Saýda mınıstrliginiń Ekonomıkalyq taldaý bıýrosy ekinshi toqsandaǵy jalpy ishki ónimge (JІÓ) qatysty qorytyndy derekterdi jarııalady. Málimetterge sáıkes, AQSh ekonomıkasy jyldyq eseppen 2,2 paıyzǵa ósken. Bul týraly Vashıngtondaǵy Kazinform tilshisi FOX Business-ke silteme jasap habarlaıdy.
Bul kórsetkish LSEG saýalnamasyna qatysqan ekonomısterdiń boljamynan joǵary boldy. Olar AQSh JІÓ-niń ekinshi toqsanda 1,5 paıyz ósetinin kútken edi.
AQSh-tyń Ekonomıkalyq taldaý bıýrosynyń málimetinshe, ekinshi toqsanda naqty JІÓ ósimine eń aldymen halyqtyń qyzmetterge, taýarlarǵa jáne demalysqa arnalǵan kólik quraldaryna jumsaǵan qarajatynyń artýy áser etken. Derekterdi óńdeý ortalyqtaryna, jalǵa beriletin jyljymaıtyn múlikke, aqparattyq tehnologııalarǵa, uzaq paıdalanylatyn taýarlar óndirisine, qarjy jáne saqtandyrý salalaryna salynǵan ınvestıtsııalar da artqan. Eksport pen ımport kóleminiń ulǵaıýy da ekonomıkanyń ósýine yqpal etti.
EY-Parthenon kompanııasynyń bas ekonomısi Gregorı Dako 2026 jyly AQSh JІÓ shamamen 2,5 paıyz ósedi dep boljaıdy. Onyń pikirinshe, saýda saıasaty, geosaıası shıelenis, energııa baǵasynyń qymbattaýy, demografııalyq qysym jáne ımmıgratsııaǵa qoıylǵan shekteýler sııaqty birqatar faktor ekonomıkanyń ósýin tejep otyrǵanyn eskersek, bul «ábden jaqsy kórsetkish».
Buǵan deıin AQSh-tyń bazalyq mólsherlemesi álem ekonomıkasyna qalaı áser etkenin habarlaǵan bolatynbyz.
