AQSh dúnıejúzilik soǵysqa daıyndalyp jatyr – Taker Karlson

ASTANA. KAZINFORM – Donald Tramptyń 2027 jyly qorǵanys bıýdjetin 1,5 trln dollarǵa deıin arttyrý týraly sheshimi AQSh-tyń dúnıejúzilik soǵysqa daıyndalyp jatqanyn bildiredi. Bul týraly belgili amerıkalyq tilshi Taker Karlson málimdedi, dep habarlaıdy Kazinform.

— Mundaı bıýdjet jahandyq nemese aımaqtyq soǵysqa daıyndalyp jatqan elge tán. Álbette, biz sol baǵytta, dúnıejúzilik soǵysqa qaraı bet alyp baramyz, — dep málimdedi Taker óziniń avtorlyq baǵdarlamasynda. 

Konservatıvti tilshiniń atap ótýinshe, kópshilik bulaı bolmaıdy dep úmittenip otyr, biraq oqıǵalardyń sol baǵytta damyp kele jatqany anyq.

Eske sala ketsek, buǵan deıin Tramp AQSh-tyń áskerı bıýdjetin 1,5 trln dollarǵa deıin arttyratynyn málimdedi.

Amerıkalyq kóshbasshynyń pikirinshe, mundaı sheshim álemdegi turaqsyzdyqtyń kúsheıýi jaǵdaıynda eldiń qaýipsizdigin qamtamasyz etý úshin qajet.