AQSh dollary arzandady - KASE

ASTANA. QazAqparat - Qazaqstan qor bırjasyndaǵy (KASE) juma kúngi saýda-sattyqtyń tańǵy sessııasynda 1 dollardyń ortasha baǵamy 334,17 teńgeni qurady, dep habarlaıdy «QazAqparat» HAA tilshisi KASE-ge silteme jasap.

Beısenbi kúngi saýda-sattyqqa qaraǵanda, dollar baǵamy 0,73 teńgege tómendegen. Sessııa barysynda eń tómengi baǵam 1 dollarǵa 334 teńge deńgeıinde, al eń joǵary 334,4 teńgeni kórsetken. Saýda kólemi 26,05 mln dollardy qurady.

Aıta keteıik, bir kún buryn dollardyń ortasha baǵamy tańǵy sessııa qorytyndylary boıynsha 1 dollarǵa 334,9 teńge, kúndizgi sessııada - 334,8 teńge, eki sessııanyń qorytyndylary boıynsha 334,85  teńge bolǵan. Saýdanyń jalpy kólemi 107 mln dollardy quraǵan.