AQSh dollary qor naryǵynda 6 teńgege qymbattady

ALMATY. KAZINFORM — Qazaqstan qor bırjasyndaǵy (KASE) saýda-sattyq qorytyndysy boıynsha dollar baǵamy sál qymbattady. 

Kúndizgi saýda-sattyq qorytyndysy boıynsha dollardyń ortasha baǵamy 538,64 teńge boldy. Ulttyq banktiń resmı baǵamy 531,96 teńge.

Kurs.kz málimetine sáıkes, Almatynyń aqsha aıyrbastaý pýnktterinde dollar orta eseppen 536,08 teńgeden satyp alynady, 538,61 teńgeden satylady. Eýro 627,12 –633,74 teńge, al rýbl 6,72 — 6,84 teńge aralyǵynda saýdalanady.

Elordanyń aqsha aıyrbastaý oryndarynda:

— dollar 533,65 teńgeden satyp alynady, 542,12 teńgeden satylady;
— eýro: satyp alý — 624,68 teńgeden satyp alýǵa, satý — 634,68 teńge;
— rýbl: satyp alý 6,76 teńge, satý — 6,92 teńge.

Búgin tańerteń Almatyda dollar 533,43-535,72 aralyǵynda, Astanada 530,55- 537,55 aralyǵynda saýdalanǵan edi.

Keıin aqsha aıyrbastaý oryndarynda dollar baǵamy 540 teńgeden asty.

Eske salaıyq, 22 shilde kúndizgi saýda-sattyq qorytyndysy boıynsha dollardyń ortasha baǵamy sál qymbattap, 531,96 teńge boldy.