AQSh dıplomattary men áskerılerdiń otbasylary Túrkııadan shuǵyl ketkeli jatyr
ASTANA. QazAqparat - Vashıngton Túrkııada ornalasqan amerıkalyq dıplomattar men áskerı otbasylaryna «Islam memleketi» ekstremısterine qarsy soǵys qımyldarynyń kúsheıtilýine baılanysty eldi tastap shyǵýdy usyndy.
Pentagon ókili Pıter Kýktyń málimdeýinshe, Indjırlık avıabazasyna jaqyn jerdegi Adana qalasynyń shet jaqtarynda turatyn 900-ge jýyq adam kóshirilýi múmkin, dep habarlaıdy Bı-bı-sı.
« Eldi tastap shyǵý jónindegi usynys belgili bir keleńsiz jaǵdaıǵa baılanysty týyndap otyrǵan joq. Bul tek qana saqtyq sharalary»,-deıdi ol.
