Demokrat senatorlar Baıden saılaýda jasyna baılanysty jeńiledi dep alańdaýly

ASTANA. KAZINFORM – Demokrat senatorlar AQSh prezıdenti Djon Baıdenniń jasy men densaýlyǵyna qatysty alańdaıtynyn jeke tártippen moıyndady, dep habarlaıdy The Hill.

Dj.Baıdenniń jasy – Senat demokrattary arasynda tyıym salynǵan, olar fraktsııa otyrystarynda kótermeıtin taqyryp. Alaıda bul olardyń saılaý aldyndaǵy eń úlken máseleleriniń biri, óıtkeni júrgizilgen saýalnamalar kóptegen saılaýshylardyń Baıdenniń prezıdent retinde qyzmet ete alatyndyǵyna kúmándanatynyn kórsetti.

Burynǵy prezıdent Barak Obamanyń bas strategi bolǵan Devıd Akselrod ótken jyldyń kúzinde Baıden saılaýshylardyń onyń jasyna qatysty alańdaýshylyǵyna baılanysty qaıta saılanbaýy kerek degen ıdeıany alǵa tartty.

Parlament depýtattary bul alańdaýshylyqtardy kópshilik aldynda talqylaǵysy kelmeıdi, óıtkeni Demokratııalyq partııadan balama kandıdat joq jáne jańa kandıdatty tabý úshin áreket etýge tym kesh.

Senatorlar, eger ol jarystan jazda nemese kúzde shyǵyp qalsa, vıtse-prezıdent Harrıs Baıdendi almastyra alady dep sanaıdy, biraq olar Harrıstiń tómen reıtıngterin (The Hill's FiveThirtyEight.com saýalnamasy boıynsha, jeltoqsan aıynyń ortasynda 38%-ǵa deıin tómendegen) jáne onyń sońǵy úsh jylda atqarǵan biliner-bilinbes rólin eskere otyryp, buny sátti nusqa dep sanamaı otyr.