AQSh delegatsııasy Reseımen kelissóz júrgizý úshin Saýd Arabııasyna attandy
ASTANA. KAZINFORM — AQSh prezıdentiniń Taıaý Shyǵys jónindegi arnaıy ókili Stıven Ýıtkoff Ýkraınadaǵy qaqtyǵysty retteý máselesinde aıtarlyqtaı ilgerileý kútip otyrǵanyn málimdedi, dep habarlaıdy TASS.
AQSh prezıdenti Donald Tramptyń Taıaý Shyǵys jónindegi arnaıy ókili Stıven Ýıtkoff 16 aqpan keshinde amerıkalyq delegatsııa quramynda Reseımen kelissóz júrgizý úshin Saýd Arabııasyna attanatynyn málimdedi. Ol Ýkraınadaǵy qaqtyǵysty retteý máselesinde aıtarlyqtaı ilgerileýge úmittenetinin atap ótti.
- Men bul týraly tym egjeı-tegjeıli aıtqym kelmeıdi, biraq búgin keshke men sol jaqqa attanamyn. Men prezıdenttiń ulttyq qaýipsizdik jónindegi kómekshisi (Maık Ýoltts) birge baramyn. Prezıdenttiń tapsyrmasy boıynsha biz kezdesýlerge qatysamyz. Reseı men Ýkraınaǵa qatysty mańyzdy progreske qol jetkizemiz dep úmittenemin, - dedi ol Fox News telearnasynyń efırinde.
Ýıtkofftan Ýkraınadan qaqtyǵysty aıaqtaý úshin «óz terrıtorııasynyń bir bóliginen bas tartý» talap etile me, dep surady.
- Bul - detaldar. Men detaldardy elemeı otyrǵan joqpyn, olar mańyzdy, biraq eń bastysy - senimdilik ornatý. Barlyǵy bul soǵystyń aıaqtalýy keregin túsinýi tıis. Prezıdent (Tramp) bizge dál osyny tapsyrdy. Osy soǵysty laıyqty aıaqtaý boıynsha kelissózder júrgizý. Biz osy baǵytta jumys isteımiz, - dep jaýap berdi sheneýnik.
Onyń pikirinshe, Ýkraınany kelissózder protsesinen shyǵarý týraly aıtý durys bolmas edi.
- Ýkraına - bul kelissózderdiń bir bóligi. Tramp osy aptada Zelenskıımen sóılesti, kóptegen mınıstrimiz <…> Mıýnhendegi qaýipsizdik konferentsııasy kezinde Ýkraınanyń ártúrli ókilderimen kezdesti. Meniń oıymsha, bul bireýdi kelissózderden shyǵaryp tastaý emes. Shyn máninde, bul barlyq tarapty qatystyrý, - dedi Ýıtkoff.
BBC málimetinshe, Saýd Arabııasyna Ýkraına delegatsııasy qazirdiń ózinde kelgen.
- Aldaǵy kúnderi Vladımır Zelenskııdiń Saýd Arabııasyna saparyn daıyndaý úshin ondaǵan kezdesý ótedi. Atap aıtqanda, biz óńir elderimen mańyzdy ekonomıkalyq kelisimderge qol qoıýǵa daıyndalyp jatyrmyz, - dep jazdy Ýkraına qarjy mınıstri ıÝlııa Svırıdenko Facebook paraqshasynda.
Ýkraına úkimetindegi joǵary laýazymdy derekkózdiń habarlaýynsha, Ýkraına Reseı ókilderimen Saýd Arabııasynda ótetin beıbit kelissózderge shaqyrtý almaǵan.
Eske salsaq Vladımır Zelenskıı AQSh-pen sırek kezdesetin mıneraldar jónindegi kelisimdi qabyldamaǵany týraly jazǵan edik.