AQSh: Chıkago qalasynyń shetindegi saýda ortalyǵynda atys boldy
NUR-SULTAN. QazAqparat – Chıkago mańyndaǵy Oýk-Brýkte bolǵan atys kezinde tórt adam zardap shekti. Bul týraly jýrnalısterge onlaın formattaǵy baspasóz máslıhatynda Oýk Brýk polıtsııa departamentiniń ókili málimdedi, dep habarlaıdy QazAqparat.
«Saýda ortalyǵynyń dálizinde tanys eki adam bir-birine oq jaýdyrǵan. Birneshe adam jaralanǵan», - dedi ol.
Polıtsııa ókili tórt jábirlenýshiniń aýrýhanaǵa jetkizilgenin, olardyń arasynda oq atqandardyń biri bolýy múmkin ekenin aıtty. Taǵy bir qarýly adam ustaldy. Zardap shekkenderdiń ómirine tóngen qaýip joq. Polıtseıler saýda ortalyǵyn tekserýdi jalǵastyrýda. Qaqtyǵystyń sebepteri týraly aqparat berilmeıdi.
