AQSh BUU aldyndaǵy qaryzynyń bir bóligin óteýdi josparlap otyr
ASTANA. KAZINFORM — AQSh úkimeti Kongreske Birikken Ulttar Uıymy aldyndaǵy 5 mıllıard dollardan asatyn beresheginiń 850 mıllıon dollaryn óteýdi josparlap otyrǵanyn habarlady, dep jazady Anadolu Ajansı.
AQSh Memlekettik departamenti BUU-nyń turaqty bıýdjetine jarna retinde 725 mıllıon dollar, al Gaıtı men Kongodaǵy BUU bitimgerlik mıssııalaryna 125 mıllıon dollar aýdarýdy josparlap otyr.
BUU málimetinshe, AQSh-tyń uıym músheligine baılanysty jarnalar boıynsha bereshegi 5 mıllıard dollardan asady. Onyń 2 mıllıard dollardan astamy turaqty bıýdjetke, al 3 mıllıard dollary bitimgerlik operatsııalarǵa tıesili.
AQSh-tyń BUU janyndaǵy ókildigi bul másele boıynsha túsinikteme berý týraly saýalǵa birden jaýap bermedi.
Aıta keteıik, buǵan deıin AQSh pen Kanada saýda kelisimine kele almaǵany týraly habarladyq. Vashıngton Kanadadan ımporttalatyn jekelegen taýarlarǵa 50 paıyzdyq baj salyǵyn engizýdi josparlap otyr.
