AQSh birneshe kúnde 1,3 mıllıard dollarǵa «altyn» grın-karta satqan

ASTANA. KAZINFORM — AQSh sońǵy kúnderi elde turaqty turýǵa ruqsat beretin 1,3 mıllıard dollarǵa «altyn» grın-kartalardy satty, dep habarlaıdy Report.

Bul týraly Amerıkanyń Saýda mınıstri Govard Latnık málimdegen.

Onyń aıtýynsha, satylym bul kórsetkishke az ǵana kúnniń ishinde jetken. Ol «altyn» grın-karta arqyly zańdastyrý qazirgi ýaqytta AQSh-tyń ishki qaýipsizdik departamentine 15 000 AQSh dollary kólemindegi óńdeý aqysyn tólegennen keıin qoljetimdi ekenin túsindirdi. Maquldansa, ótinish berýshi AQSh úkimetine qosymsha 1 mıllıon dollar tóleýi kerek. Bılik jasyl kartany jyldam qarap shyǵýǵa jáne shyǵarýǵa ýáde beredi.

Eske salaıyq, AQSh Azamattyq jáne ımmıgratsııa qyzmeti (USCIS) 19 «problemaly elden» kelgen sheteldik azamattardyń grın-kartalaryn qaıtadan tekseredi. Onyń ishinde Aýǵanstan da bar.

Buǵan deıin Donald Tramp Braýn ýnıversıtetindegi atystan keıin AQSh ımmıgratsııalyq vızalaryn alýǵa arnalǵan grın-karta lotereıasy baǵdarlamasyn toqtatqany týraly jazdyq.