AQSh bosqyndardy qaıta qabyldaı bastaıdy
ASTANA. QazAqparat - AQSh bıligi Amerıkada bosqyn mártebesine ıe bolǵysy keletin tulǵalardy tekserý tártibi el turǵyndarynyń qaýipsizdigin qamtamasyz etýge múmkindik beredi degen sheshimge keldi. Alaıda, 11 eldiń azamattarynyń aryzdary qosymsha tekseriletin bolady. Bul jaıly seısenbi kúni Memlekettik departament taratqan habarlamada aıtyldy.
TASS agenttiginiń habarlaýynsha, AQSh bosqyndardy qabyldaýdyń qazirgi qoldanystaǵy erejeleri «Qurama Shtattardyń qaýipsizdigi men ál-aýqatyn qamtamasyz etýge qaýharly, memlekettik hatshy men ishki qaýipsizdik mınıstri baǵdarlamany qaıta bastaı alady» degen sheshimge keldi.
Bul rette, ákimshilik Qurama Shtattarǵa úlken qater tóndiretin 11 eldiń bosqyndaryna qatysty qosymsha tekserý júrgizý qajettigi týraly sheshim qabyldady. Qaraý protsedýralary 90 kúnge sozylýy múmkin.
Buǵan deıin AQSh bıligi Mysyr, Iran, Irak, Iemen, Lıvııa, Malı, KHDR, Sırııa, Somalı, Sýdan, Ońtústik Sýdan turǵyndryna elge kirýge shekteý qoıǵan bolatyn. Biraq ár jaǵdaıda shekteýler ózgeshelenip otyrady.
