AQSh bıligi Samsung Galaxy Note 7 smartfonyn paıdalanýdan bas tartýǵa shaqyrdy
ASTANA. QazAqparat - AQSh bıligi Samsung Galaxy Note 7 smartfonyn paıdalanýdan bas tartýǵa shaqyrdy . Buǵan deıin kompanııa akkýmýlıatordaǵy aqaýǵa baılanysty telefon satýdy toqtatqan bolatyn, dep habarlaıdy reseılik RBK agenttigi.
Amerıkanyń Tutynýshylar taýarynyń qaýipsizdigi jónindegi komıssııasy málimdeme jasady. Onda komıssııanyń ońtústikkoreılik kompanııamen taýaryn barynsha tez keri qaıtaryp alýy boıynsha jumys istep jatqany aıtylǵan. Bir kún buryn AQSh-tyń Federaldyq avıatsııalyq basqarmasy jolaýshylardan ushý barysynda Samsung Galaxy Note 7-ni paıdalanbaýdy talap etti.
Galaxy Note 7 óndirýdi jáne satýdy toqtatý, satylǵan ónimdi keri qaıtarý ótken aptadla bastaldy. Oǵan paıdalanýshylardyń qýat alý barysynda telefonnyń órtenip ketetindigin habarlaýy sebep bolǵan edi.
