AQSh bıligi ózge planetalyqtar týraly qupııaly málimetterdi jarııa etti
ASTANA. 8 qarasha. QazAqparat - AQSh prezıdentiniń ákimshiligi ózge planetalyqtar týraly qupııaly málimetterdi jarııa etti, dep habarlady bnews.kz portaly.
Aq úıdiń resmı ókili Fıl Larsonnyń sózine qaraǵanda, Amerıka úkimeti ózge planetalyq sananyń bar-joǵynan beıhabar, dep habarlaıdy FederalPress.
Onyń eskerip ótkenindeı, AQSh prezıdenti Barak Obama ákimshiliginiń jerden tys órkenıettermen esh baılanysy joq, sondaı-aq ózge planetalyqtardyń bar ekendigin dáleldeıtin aqparattar da bolǵan emes. Oǵan qosa ákimshilik Amerıka azamattarynan basqa planetadan kelgen kelimsekter týraly málimetterdi jasyrý faktileri jóninde de senimdi málimetterge ıe emes ekendigin jetkizdi.
Bılik ókilderi prezıdent ákimshiligi Aq úı saıtynyń «Biz - halyqpyz. Sizdiń daýsyńyz bizdiń úkimette» (We the People. Your voice in our government) atty bóliminde ornalastyrylǵan suraýǵa resmı túrde jaýap qaıtarýǵa tıis degen zań babyna sáıkes osyndaı málimdeme jasaýǵa májbúr boldy. Óz úndeýlerinde azamattar ózge planetalyqtar týraly úkimettik málimetterdi ashyq túrde jarııalaýdy talap etken bolatyn. Bir aı ishinde bul suraý 17 myńnan astam qol jınap úlgergen.
