AQSh bıligi munaı kompanııasyna Arktıkada burǵylaý jumystaryn júrgizýge ruqsat berilgenin rastady
ASTANA. QazAqparat - AQSh bıligi «Royal Dutch Shell» munaı kompanııasyna Arktıkada barlaý jáne burǵylaý jumystaryn bastaýǵa ruqsat berilgenin rastady, dep habarlady «VVS» agenttigi.
Aldymen kompanııa ústińgi qabatty burǵylaýmen aınalysady, óıtkeni munaı tógilgen jaǵdaıda uńǵymany tyǵyndaýǵa qajetti barlyq avarııalyq jabdyqtar ázirge jumys ornyna jetkizilgen joq. Aldyn ala esep boıynsha Alıaskanyń soltústik-batys jaǵalaýyndaǵy Chýkotsk teńiziniń bederinde 15 mlrd barrelge jýyq munaı jatyr. Tabıǵatty qorǵaý uıymnyń belsendileri Royal Dutch Shell josparlaryna narazylyq bildirýde, olar Arktıkadaǵy uńǵymany burǵylaý ekologııalyq apatqa ákelýi múmkin dep sanaıdy.
