AQSh bıligi Qurandy órtegen azamaty úshin keshirim suraýdan bas tartty
ASTANA. 2 mamyr. QazAqparat - AQSh-tyń syrtqy saıasat vedomstvosy Qurandy jarııa túrde órtegen din qyzmetshisi Terrı Djons úshin keshirim suraýdan bas tartty, dep habarlaıdy BAQ.kz saıty.
«Bul jeke tulǵanyń áreketi, ol Amerıka halqy men úkimetiniń qundylyqtaryna eshqandaı qatysty bola almaıdy», - dep málimdegen AQSh-tyń memlekettik departamentiniń resmı ókili Vıktorııa Nýland. Tegerannyń Amerıkadan Djons úshin keshirim suraýdy talap etý áreketine osyndaı jaýap qaıtarylǵan.
Buǵan qosa Nýland Amerıka bıligi Djonstyń áreketin qup kórmeıtinin jetkizgen. Esterińizge sala keteıik, ótken demalys kúni Florıda shtatynyń protestanttyq dinı qyzmetshisi Geınsvıll qalasyndaǵy shirkeý janynda óziniń 20 múddelesiniń qolpashtaýymen Qurandy órtegen bolatyn. Dindar bul isimen hrıstıan dindary ıÝsef Nadarhandy ólim jazasyna kesken Iran bıliginiń áreketine qarsylyǵyn bildiretinin aıtqan.
