AQSh bıligi Qundyzdaǵy aýrýhanany atqylaǵan áskerılerdi jazalady
ASTANA. QazAqparat - Pentagon ótken jyly 45 adamnyń ólime sebep bolǵan, Aýǵanstannyń Qundyz qalasyndaǵy «Shekarasyz dárigerler» aýrýhanasyna áýesoqqy jasaýǵa qatysy bar onnan astam AQSh áskerı qyzmetshilerin jazalady, dep habarlady VVS agenttigi.
AQSh áskerı vedomstvosy gospıtalǵa oq jaýdyrý qasaqana uıymdastyrlmaǵanyn, kezdeısoq bolǵanyn aıtty. Áskerılerge qandaı jaza taǵaıyndalǵany ázirge belgisiz. Alaıda, «Assoshıeıted press» agenttigi negizinen «qyzmettik jaza» ekenin habarlady. Keıbiri resmı sógis alsa, basqalary jumystan shettetilgen.
Jazalanǵandar arasynda ofıtserler men serjanttar bar, olardyń arasynda birde-bir general joq.
«Shekarasyz dárigerler» uıymynyń ókili Pentagon oqıǵa týraly naqty málimet jarııalamaı, resmı pikir bildirmeı otyrǵanyn aıtty.
2015 jyly 3 qazanda avıasoqqy saldarynan 14 dáriger, 27 naýqas jáne 4 sanıtar qaza tapqan.
AQSh prezıdenti Barak Obama bombalaǵany úshin uıymnan keshirim surady.
