AQSh bıligi Google kompanııasymen sottasyp jatyr

ASTANA. QazAqparat - AQSh úkimeti ınternette izdeý boıynsha jahandyq alpaýytqa aınalǵan Google kompanııasyna qarsy sotqa shaǵym túsirdi, dep habarlaıdy QazAqparat VVS aqparat agenttigine silteme jasap.

Seısenbi kúni Vashıngton sotynda bastalǵan sot protsesi shamamen 10 aptaǵa sozylady.

Amerıka bıligi Google kompanııasyn Apple jáne Samsung sııaqty jetekshi tehnologııalyq kompanııalarǵa básekeni tejep, óz sharttaryn tańý arqyly bıligi men ustanymyn asyra paıdalanyp, ınternettegi izdeý quraldary naryǵynda ústemdik etti dep aıyptady.

Talapqa sáıkes, olar úlken shyǵynǵa qaramastan óz qurylǵylarynda Google izdeý júıesin ornatýǵa májbúr.

AQSh-tyń Ádilet mınıstrligi bul talapty daıyndaýǵa úsh jyl jumsady, al Google óz quqyqtaryn qorǵaý úshin mıllıondaǵan dollarǵa úsh tájirıbeli zań fırmasyn jaldady.

Kompanııa naryqta eń jaqsy izdeý júıesi bolǵandyqtan ǵana ústemdik etetinin dáleldegisi keledi.

Google-ǵa qarsy talap - Vashıngtondaǵy transulttyq alpaýyttar men bılik arasyndaǵy qaqtyǵystardyń biri.

Bul osyndaı kompanııalardyń kúndelikti ómirimizge qanshalyqty tereń engenin jáne olardyń ulttyq qaýipsizdikten bastap azamattardyń jeke ómirin qorǵaýǵa deıingi barlyq aspektilerde qanshalyqty mańyzdy ról atqaratynyn kórsetedi.

AQSh-ta bılik monopolııamen100 jyldan astam ýaqyt boıy kúresip keledi, óıtkeni bul tutynýshylardyń, ıaǵnı azamattardyń jáne saılaýshylardyń quqyǵyn qorǵaý úshin mańyzdy.