AQSh bıligi barlyq sheteldik stýdentterdiń vızasyn tekserýdi qatańdatpaq
ASTANA. 4 mamyr. QazAqparat - AQSh-tyń Іshki qaýipsizdik mınıstrligi sheteldik stýdentterdiń stýdenttik vızasyn tekserý protsedýrasyna ózgertýler engizýge daıyndalyp jatqandyǵyn habarlady.
Bul jaıynda RBK aqparattyq agenttigi jazdy.
Atalǵan sheshim mınıstrliktiń Bostondaǵy lańkestik is boıynsha ustalǵan Qazaqstan azamaty Azamat Tajaıaqovtyń elde jaramsyz stýdenttik vızamen júrgendigi anyqtalǵannan keıin qolǵa alynǵan. Vızanyń jaramdylyq merzimi A.Tajaıaqov Massatsýsets shatatyndaǵy ýnıversıtettegi sabaqtaryna barýyn toqtatqannan keıin shektelgen. Degenmen, bul aqparat elge kelýge ruqsat bergen keden qyzmeti qyzmetkerlerine berilmegen.
Qazaqstandyq stýdent 2013 jyldyń 1 mamyrynda ustaldy. Oǵan sot aıǵaq-dálelderdi joıý arqyly tergeýge kedergi keltirdi degen qylmystyq aıyp taǵýda. Eger A.Tajaıaqovtyń qylmysy dáleldenetin bolsa 5 jylǵa túrmege qamalyp, 250 myń dollar aıyppul tóleıtin bolady.
Eske sala keteıik, 2013 jyldyń 15 sáýirinde Boston marafonynda eki jarylys oryn alyp, saldarynan 3 adam ajal qushty, 200-ge jýyǵy japa shekti. Keıin polıtsııa lańkestik jasaǵan eki kúdiktini tapty. Olar AQSh-ta zańdy túrde turyp jatqan Soltústik Kavkazdyń týmasy aǵaly-inili Tamerlan men Djohar Tsarnaevtar bolyp shyqty. Tártip saqshylarymen qaqtyǵys barysynda T. Tsarnaev qaza tapty. Al 19 jastaǵy D. Tsarnaev kóp uzamaı qolǵa tústi. Eger onyń kinási dáleldense, ómir boıy abaqtyǵa toǵytylady nemese ólim jazasyna kesiledi.
