AQSh bıligi 170-ten astam Boeing 787 ushaqtary dvıgatelderiniń aqaýy týraly málimdedi
ASTANA. QazAqparat - AQSh Federaldyq avıatsııalyq basqarmasy (FAA) birneshe ondaǵan Boeing 787 Dreamliner ushaqtary dvıgatelderiniń aqaýlaryn joıý qajettigi týraly ókim shyǵardy, dep habarlady RBK CNN-ge silteme jasap.
Áńgime GEnx-1B PIP2 úlgisindegi dvıgatelder jóninde bolyp otyr. Olardan FAA «(ushýlar) qaýipsizdigi salasy máselesi» retinde sıpattalǵan aqaý tabyldy.
«Ushý kezinde eki dvıgateldiń de syr berýiniń áleýetti yqtımaldyǵy qaýipsizdik salasynyń shuǵyl sheshetin máselesi bolyp otyr», - delingen FAA qujatynda.
Agenttik dırektıvasy 29 qańtarda 6 myń shaqyrymnan astam bıiktikte bolǵan Boeing 787 oqıǵasyn tekserý qorytyndylarymen baılanysty.
«Qalbaǵaıǵa muz qatyp, jeldetkish korpýsyna úıkelýi dvıgateldiń dirildeýine soqtyrady», - dep túsindirdi CNN-ge General Electric (dvıgateldi shyǵarýshy kompanııa) resmı ókili Rık Kennedı.
Agenttik qarastyryp otyrǵan jaǵdaıda dvıgateldiń biri sónip qalǵan. Ushaq ekinshi jumys jasap turǵan dvıgatelimen oıdaǵydaı qonǵan.
V FAA «eger problema joıylmasa, bul dvıgateldiń ushý kezinde sónip qalýyna jáne ony qaıtadan tez tutandyrý múmkin bolmaıtyn jaǵdaıǵa soqtyrady, dep atap ótti.
Agenttik dırektıvasy búkil álem boıynsha 29 avıakompanııa paıdalanyp otyrǵan 176 Boeing 787 Dreamliner ushaǵyn qozǵaıdy. Olardyń 43-shi AQSh-ta qoldanylýda, ǴAA basqa elder de Boeing 787 dvıgatelderimen máselede amerıkandyq agenttik úlgisin qoldaıdy degen senimde.
