AQSh bıligi járdemaqy alatyndardy kóbirek jumys izdeýge mindettemek
ASTANA. KAZINFORM — Tramp ákimshiligi jumyssyzdyqqa baılanysty járdemaqy alýǵa ótinish bergen amerıkalyqtardan jıirek jumys izdeýdi talap etýdi usyndy. Bul týraly CBS News habarlady.
Eńbek mınıstrligi usynǵan erejelerge sáıkes, jumyssyzdyqqa baılanysty járdemaqy alýǵa ótinish bergen nemese járdemaqy alatyn adamdar aptasyna keminde bes ret jumys izdeýge, ártúrli jumys berýshilerge ótinish berýge mindetti bolady.
Qazirgi ýaqytta AQSh-tyń kóptegen shtattary aptasyna eki-úsh ret osyndaı ótinish berýdi talap etedi, tórt shtat qana bes márte jumys izdeýdi talap etedi. Al keıbir shtattarda jumyssyzdyq járdemaqysyn alý úshin aptasyna bir-aq ret sátsiz jumys izdeý jetkilikti.
Tramp ákimshiligi bul ózgeris búkil elde jumyssyzdyqqa baılanysty járdemaqy alýshylarǵa biryńǵaı talaptardy qamtamasyz etý úshin qajet dep esepteıdi. Eńbek mınıstrliginiń usynysynda apta saıynǵy jumys izdeýdiń ulttyq standarty «baǵdarlamanyń tutastyǵyn jaqsartady jáne eńbek naryǵymen baılanysty nyǵaıtady» delingen. Eńbek qorǵaýshylary jumys izdeý erejelerine engizilgeli otyrǵan ózgeristi synǵa alyp, jumyssyz jumysshylar úshin jańa shekti oryndaý qıyn bolady dep málimdedi.
Eńbek mınıstrliginiń málimetinshe, usynylǵan talapty ártúrli áreketter arqyly oryndaýǵa bolady. Mysaly, áleýetti jumys berýshimen baılanysýdan basqa, jumys izdeý jumyspen qamtý agenttiginde nemese kásipodaqta tirkelýdi de qamtýy múmkin.
Buǵan deıin Germanııada jumyssyzdar sany 3 mıllıonǵa jýyqtaǵanyn habarlaǵan edik.
