AQSh bıligi az ult ókilderinen shyqqan stýdentterdi qarjylandyrýdy toqtatty
ASTANA. KAZINFORM — AQSh-tyń Bilim mınıstrligi eldegi eń kópultty kolledjder men ýnıversıtetterdiń keıbirine federaldyq bıýdjetten bólinetin 350 mıllıon dollar kólemindegi sýbsıdııany toqtatyp otyr, dep jazdy Anadoly.
Bul týraly vedomstvo basshysy Lında Makmahon málimdedi, dep habarlaıdy The New York Times.
Onyń aıtýynsha, az ult ókilderinen shyqqan stýdentterdi qabyldaýǵa baǵyttalǵan baǵdarlamalar negizinen «násilshildik sıpatta» dep baǵalanady.
Sońǵy ýaqytta AQSh-ta iri ýnıversıtetterge federaldyq qarjylandyrýdy toqtatý máselesi qyzý talqylanýda. Buǵan sebep retinde ýnıversıtet kampýstaryndaǵy pro-palestınalyq narazylyqtar men ártúrlilik, teńdik jáne ınklıýzııa (DEI) qaǵıdattaryn júzege asyratyn oqý baǵdarlamalary atalǵan.
