AQSh beıbitshilik josparyn tórt bólimge bólýdi usyndy - Pýtın Ýıtkoffpen kezdesý týraly

ASTANA. KAZINFORM – Reseı prezıdenti Vladımır Pýtın amerıkalyq emıssarlar Stıven Ýıtkoff jáne Djared Kýshnermen kezdesýi «óte paıdaly» bolǵanyn málimdedi, dep habarlaıdy TASS aqparat agenttigi. 

Pýtın bul týraly India Today-ge bergen suhbatynda málimdedi. 

Reseı basshysy kezdesýdiń bes saǵatqa sozylǵanyn, sebebi olar usynǵan beıbitshilik josparynyń árbir tarmaǵyn qarastyrýǵa týra kelgenin atap ótti. 
Onyń sózinshe, Ýkraınadaǵy jaǵdaıdy retteý boıynsha kelissóz júrgizýshilerdiń usynystary Reseı men AQSh-tyń Alıaskadaǵy sammıtte qol jetkizgen kelisimderge negizdelgen.

Vladımır Pýtın sonymen qatar AQSh óziniń beıbitshilik josparynyń 28 tarmaǵyn tórt bólimge bólip, olardy sol formatta talqylaýdy usynǵanyn málimdedi.

-Tramp Ýkraınadaǵy kelisim boıynsha konsensýsqa qol jetkizýge tyrysyp otyr, biraq «bul ońaı mindet emes», - dep qosty ol. 

Eske sala ketsek, buǵan deıin Tramptyń Ýkraınadaǵy beıbitshilik josparynyń barlyq 28 tarmaǵy jarııalandy. 

Osy aptada Kremlde Reseı prezıdenti Vladımır Pýtın men AQSh prezıdentiniń arnaıy ókili Stıven Ýıtkoff arasynda bes saǵatqa sozylǵan kezdesý ótti. Kelissózder Ýkraınadaǵy jaǵdaıdy retteýge arnaldy.

Ýkraına jónindegi AQSh-tyń beıbit josparyndaǵy alǵashqy nusqadan keıin Reseı taǵy tórt qujat aldy, olar RF prezıdenti Vladımır Pýtınniń amerıkalyq ókildermen Kremldegi kezdesýinde talqylandy.