AQSh Belarýske qatysty EO sanktsııasyn qoldaýǵa daıyn
ASTANA. 21 qańtar. QazAqparat - AQSh Belarýske qatysty buryn toqtatylǵan birjaqty sanktsııany qalpyna keltirýge nıetti.
Bul týraly shetel jornalshylaryna arnalǵan brıfıngte AQSh memlekettik hatshysynyń buqaramen baılanys jáne baspasóz jónindegi kómekshisi Fılıp Kroýlı málim etti, dep habarlaıdy ITAR-TASS.
Barak Obamanyń ákimshiliginen Belarýske qarsy sanktsııany qoldaný jóninde habarlandyrýdy kútýge bola ma, degen saýalǵa Kroýlı amerıka bıligi qazir Eýroodaqtaǵy áriptesterimen keńesýde, aldaǵy ýaqytta bul másele jóninde qandaı ustanym bolatyny jaqynda anyqtalady dep jaýap berdi. Vashıngton Brıýsselmen birge Belarýs bıligin jeltoqsandaǵy prezıdent saılaýyn uıymdastyrǵany úshin qatań synǵa alǵan bolatyn.
"Bizge EO qandaı qadamdarǵa baratyny óte jaqsy belgili jáne biz ony qoldaımyz", - dedi amerıkandyq dıplomat.
