AQSh bazasynyń shýy úshin Fýssa turǵyndaryna ótemaqy tólenedi
NUR-SULTAN. QazAqparat - Tokıonyń joǵarǵy soty Japonııa úkimetine AQSh-tyń Iokota áskerı bazasynan shyqqan shý úshin Fýssa qalasynyń (astanalyq perfektýra quramyna kiredi) turǵyndaryna 7 mln AQSh dollary kóleminde ótemaqy tóleýdi mindettedi. Ótemaqyny úıleri áskerı bazaǵa kórshiles ornalasqan myńǵa jýyq adam alady, dep habarlady búgin, beısenbide Kyodo agenttigi.
«Bazadan shyqqan shý shamadan asyp ketken. Qala turǵyndarynyń kúndelikti ómirin buzyp, emotsııalyq turǵydan qajytyp jibergen», - dedi sot tóraǵasy Sıgerý Nakanısı.
Iokota soltústik-batys Tynyq muhıt aımaǵyndaǵy AQSh-tyń eń iri áskerı-kólik áýe baılanysy qyzmetin atqarady. Bul jerde sondaı-aq, Japonııadaǵy AQSh Qarýly Kúshteriniń shtaby ornalasqan.
