AQSh baıqaýshylary prezıdenttikke úmitker N.Nazarbaevtyń Respýblıkalyq qoǵamdyq shtabynda boldy
ASTANA. 31 naýryz. QazAqparat - Búgin «Nur Otan» HDP-nyń Ortalyq apparatynda el prezıdenttigine úmitker N.Nazarbaevtyń Respýblıkalyq qoǵamdyq shtabynyń basshysy Nurlan Nyǵmatýlın AQSh baıqaýshylarymen kezdesti.
«Nur Otan» partııasynyń baspasóz qyzmetinen málim etkendeı, suhbat barysynda aldaǵy prezıdenttik saılaýǵa qatysty birqatar máseleler talqylandy.
Shtab músheleri jáne «Qazaqstan - 2020» Jalpyulttyq demokratııalyq kúshter koalıtsııasy saılaý aldy úgit naýqany sheńberinde eldiń barlyq aımaqtaryna baryp qaıtty. N.Nyǵmatýlın, qazaqstandyqtarmen bolǵan kezdesýlerinde eldiń kópshilik azamattary Elbasy Nursultan Nazarbaevty jáne onyń baǵytyn qoldaıtyndyqtaryn bildirgenin aıtty. Sondaı-aq ol, N.Nazarbaevtyń saılaý aldy shtabynyń barlyq úgit naýqany ashyq jáne ádil júrgizilgeni týraly habardar etti. N.Nyǵmatýlın Qazaqstanda saılaý zańnama sheńberinde ótetindigine senimin bildirdi.
