AQSh batysynda buryn bolmaǵan aptap ystyq bastaldy

FINIKS. AR-QazAqparat – Sársenbi kúni AQSh-tyń Batys aýmaǵynyń kóptegen bóliginde termometr baǵanasy kóterilip, aýa raıynyń mundaı ekstremaldy jaǵdaıynyń onjyldyqtarǵa sozylǵan qurǵaqshylyqtyń jańa normasyna aınalý qaýpin týdyryp otyr, dep habarlaıdy QazAqparat AR basylymyna silteme jasap.

Eldiń ulttyq meteorologııa qyzmeti osy aptada Fınıkstaǵy aýa temperatýrasynyń rekord jańartyp otyrǵanyn málimdedi.

Sársenbide mundaǵy aýa temperatýrasy Farengeıt boıynsha 115 gradýsqa (Tselsıı boıynsha 46 gradýs) jetken.

Qýańshylyq pen klımattyń ózgerýin zerttep júrgen ǵalymdar Amerıkanyń batysynda turyp jatqan adamdardyń aldaǵy jyldary budan da ystyq kún raıyn kóretinin aıtyp otyr.

Palm-Sprıngstegi termometr baǵanasy Farengeıt boıynsha 120 gradýsqa jetken.

Seısenbide Denverde aýanyń temperatýrasy rekordtyq deńgeı – Farengeıt boıynsha 101 gradýs (Tselsıı boıynsha 38 gradýs) bolǵan.

Meteorologııalyq qyzmet azamattardy Koloradoda aptap ystyq qaýpi týraly eskertti. Las-Vegastaǵy temperatýrasy Tselsıı boıynsha 46,6 gradýsqa jetti.

Meteorologtardyń málimetinshe, jeksenbige deıin aımaqtaǵy aýa temperatýrasy Tselsıı boıynsha 45 gradýsqa jetedi nemese odan da joǵary kóterilip, 2017 jyldyń 20 maýsymynda tirkelgen kezekti rekordty (47 gradýs) jańartýy ábden múmkin.