AQSh: Baton-Rýj qalasynda úsh polıtseıdi belgisiz bireý atyp óltirdi - VIDEO
ASTANA. QazAqparat - Rastalmaǵan málimet boıynsha, AQSh-tyń Lýızıana shtatyndaǵy Baton-Rýj qalasynda úsh polıtseıdi belgisiz bireý atyp óltirdi, dep habarlady CNN telearnasy tikeleı efırde.
«Biz úsh saqshynyń qaza tapqany jaıly málimet aldyq. Oqıǵanyń tolyq mán-jaıyn bilmeımiz. Taǵy birneshe polıtsııa qyzmetkeri jaraqat aldy degen aqpar bar», - dedi telejúrgizýshi.
Keıinirek NBC telearnasy Twitter áleýmettik jelisindegi paraqshasynda oq atqan kúdiktiniń kózi joıylǵanyn habarlady.
Eske sala keteıik, shilde aıynyń basynda polıtsııa Baton-Rýj qalasynda jasóspirimdi atyp tastaǵan bolatyn. Budan keıin Mınnesote shtatynda taǵy bir afroamerıkalyq polıtseılerdiń qolynan qaza tapty. Osydan soń qarsylyq sharalary bastalyp, polıtseılerge halyqtyń oq atý oqıǵasy jıilep ketken.
8 shilde kúni Dallasta Aýǵan ardageri Mıka Djonson esimdi azamat polıtseılerge oq atyp, 5 adam qaza tapqan edi. Keıin ony bombanyń kómegimen óltirgen edi saqshylar.
NEW: Video of alleged shots fired at officers in Baton Rouge https://t.co/gwv4VmRqse https://t.co/7HGD5AuECW
— CBS News (@CBSNews) 17 ııýlıa 2016 g.
