AQSh basylymdary: Sábına Altynbekova voleıbol oıyny úshin tym ádemi (FOTO)
ASTANA. QazAqparat - Biraz kúnnen beri jurt nazaryna ilikken voleıbolshy Sábına Altynbekova jaıynda endi AQSh basylymdary qyzý talqylap jatyr.
Qytaıda ótken 19 jasqa deıingi áıelder arasyndaǵy Azııa chempıonatynda 17 jasar oıynshy qyz qytaılyq jankúıerlerdiń nazaryna iligip, týrnırdiń eń ádemi oıynshysy atanǵan. Tipti, Sabınanyń sulýlyǵyna tánti bolǵandar oǵan syılyq joldap jatyr. Al jańa shyqqan juldyzdyń áleýmettik jelidegi oqyrmandary 300 myńǵa jýyqtady, dep habarlaıdy 31 arna.
Amerıkalyq BAQ-tardyń pikirinshe, Sábına voleıbol oıyny úshin tym ádemi, ári 17 jasar sportshy qyzdyń mundaı sulýlyǵy oǵan sportta tabysqa jetýine kedergi keltiredi. Al Sábınanyń ózi mundaı tanymaldyqty kútpegenin aıtady. Onyń bar maqsaty - álemdik arenada Qazaqstannyń namysyn qorǵap, týyn jelbiretý.
Voleıboldan jastar quramasynyń bapkeri Nurlan Sadyqov ta álem jurtshylyǵynyń sportshy qyzǵa osynshalyqty nazar aýdarǵanyn jaqtyrmaı otyr. Onyń pikirinshe, bul quramadaǵy ózge oıynshylarǵa zııanyn tıgizedi eken.
