AQSh basqa elderdiń damýyna kómek kórsetýdi toqtatady
ASTANA. KAZINFORM - Jarlyqqa sáıkes, baǵdarlamalardyń tıimdiligi men olardyń AQSh-tyń syrtqy saıasatyna sáıkestigin baǵalaý úshin úzilis engizildi.
AQSh prezıdenti Donald Tramp basqa elderge kómek kórsetý baǵdarlamalaryn 90 kúnge toqtatý týraly jarlyqqa qol qoıdy.
- AQSh-tyń odan ári syrtqy kómegi Amerıka Qurama Shtattary Prezıdentiniń syrtqy saıası maqsattaryna sáıkes kelýi tıis, - delingen buıryqta.
Aıta keteıik, Donald Tramp AQSh-ta TikTok-ty buǵattaýdy da keıinge qaldyrdy.
Inaýgýratsııada sóılegen sózinde Tramp ımmıgratsııa men ekonomıkaǵa nazar aýdaratyn «atqarýshy buıryqtar serııasyna» qol qoıatynyn jáne «ońtústik shekarada ulttyq tótenshe jaǵdaı» jarııalaıtynyn aıtty.
Buǵan deıin Donald Tramptyń ant qabyldaǵannan keıin alǵashqy buıryqtaryna qol qoıǵany habarlanǵan bolatyn.