AQSh barlyq bolat pen alıýmınıı ımportyna baj salyǵyn engizedi

ASTANA.KAZINFORM - Donald Tramp barlyq bolat pen alıýmınıı ımportyna 25 paıyzdyq baj salyǵyn engizetinin málimdedi, dep habarlaıdy VVS.

AQSh prezıdenti Donald Tramp kórshilerimen jáne álemmen saýda soǵysynda jańa qadam jasady: ol dúısenbide AQSh-qa ákelinetin barlyq alıýmınııi men bolatqa  25% mólsherinde baj saly engiziletinen jarııalady. Al taǵy bir-eki kúnnen keıin amerıkalyq ónimderge baj salyǵyn salatyn elderden ákelitentin taýarlarǵa da baj salyǵyn engizbek.

Tramp jýrnalısterge bul josparlary týraly Florıdadaǵy úıinen Jańa Orleandaǵy Ulttyq fýtbol lıgasynyń fınalyna bara jatqanda ushaqta aıtqan.

Qurama Shtattarǵa bolattyń eń iri jetkizýshileri kórshiles Meksıka men Kanada, al Amerıka Qurama Shtattary eń kóp alıýmınııdi Kanadadan ımporttaıdy.

Tramp óziniń birinshi prezıdenttik merziminde Kanada, Meksıka jáne Eýroodaq bolatyna 25 paıyz, alıýmınııge 10 paıyzdyq baj salyǵyn engizgen edi.

Bir jyldan keıin AQSh Meksıka jáne Kanadamen bul tarıfterdi joıý týraly kelisimge keldi. Eýropalyq metaldarǵa tarıfter 2021 jylǵa deıin kúshinde boldy.

Birneshe kún buryn Tramp Kanada men Meksıkadan keletin barlyq ımportqa 25 paıyzdyq baj salyǵyn engizetinin málimdedi, biraq sol elderdiń basshylarymen sóıleskennen keıin, ol olardyń oryndalýyn 30 kúnge keıinge qaldyrýǵa kelisti.

Tramp sonymen qatar Qytaı ımportyna 10 paıyzdyq baj salyǵyn engizdi. Qytaı keıbir amerıkalyq taýarlarǵa jańa tarıfter engizdi.

Tramp orta tap úshin buryn-sońdy bolmaǵan tómen salyq usynǵan edi.