AQSh barlaý qyzmeti: Saýd Arabııasynyń ıadrolyq qarý jasaý jospary bar
ASTANA. KAZINFORM – AQSh barlaý qaýymdastyǵynyń baǵalaýynsha, Saýd Arabııasy ıadrolyq qarý jasaý múmkindigin áli de joqqa shyǵarmaıdy. Bul týraly Tasnim News jazdy.
Aqparat agenttiginiń habarlaýynsha, AQSh barlaý qaýymdastyǵy Saýd Arabııasy ıadrolyq qarý ázirleý múmkindiginen bas tartpaǵan degen qorytyndyǵa kelgen. Bul tujyrym AQSh Kongresine usynylǵan qupııa qujattarda kórsetilgen.
Bul baǵalaý AQSh-tyń birqatar zań shyǵarýshysynyń alańdaýshylyǵyn týǵyzdy. Buǵan AQSh prezıdenti Donald Tramptyń Saýd Arabııasynyń azamattyq ıadrolyq baǵdarlamasyn qoldaý jónindegi kelisimi sebep bolyp otyr.
Kelisim amerıkalyq kompanııalarǵa Saýd Arabııasynda atom energetıkasy salasyndaǵy jobalardy júzege asyrýǵa múmkindik beredi.
Bastapqy kelisim ýrandy baıytý deńgeıin 5%-dan tómen kórsetkishpen shekteıdi. Alaıda keıingi kelisim ýrandy 20%-ǵa deıin baıytýǵa ruqsat berýi múmkin. Bul deńgeıde ýrandy odan ári óńdep, qarý jasaýǵa jaramdy sapaǵa jetkizýge bolady.
Eske sala ketsek, buǵan deıin Saýd Arabııasy, Pákistan jáne Túrkııa áskerı yntymaqtastyqty kúsheıtkenin jazdyq.
Al AQSh Saýd Arabııasyna 24,3 mlrd dollarǵa 48 joıǵysh ushaq satqaly otyr.
