AQSh azamaty tıranozavrdyń qańqasyn elge ákelgeni úshin sottaldy
ASTANA. QazAqparat - Nıý-Iork soty Vırdjınııa shtatynyń turǵyny Erıka Prokopıdi Mońǵolııadan AQSh-qa tıranozavrdyń qańqasyn zańsyz ákelgeni úshin úsh aı merzimge túrmege otyrǵyzdy.
Tergeýshilerdiń derekterine qaraǵanda, súıekter AQSh-qa 2010 jyly naýryzda Ulybrıtanııadan ákelingen. Prokopı amerıkalyq keden organdaryna qańqa Ulybrıtanııa aýmaǵynda qazylyp alynǵan, quny bar-joǵy 15 myń dollar dep málim etken. Biraq 2012 jyly ol Nıý-Iorktegi Heritage aýktsıonynda 1,05 mıllıon dollarǵa satylǵan. Artynsha Mońǵolııa úkimeti bul saýdanyń zańdylyǵyna shek keltirgen. Ótkizilgen tekserý jumystarynan keıin qańqa osy elge qaıtaryldy.
Tırannozavrdyń qaldyǵy Mońǵolııa aýmaǵyndaǵy Gobı shólinen tabylǵan bolyp shyqty. Paleontologııalyq saraptaý, ony segiz jyl buryn jerden qazyp alynǵanyn anyqtady, dep habarlaıdy ITAR-TASS.
