AQSh azamaty koronavırýs pen maımyl sheshegin qatar juqtyrǵan

NUR-SULTAN. QazAqparat - AQSh-ta Kalıfornııa shtatynyń turǵyny bir ýaqytta koronavırýs pen maımyl sheshegin juqtyrdy, dep habarlaıdy COVID-19 taralýyna jol bermeý jónindegi VAK baspasóz qyzmeti.

Sebastopol qalasynan kelgen er adam COVID-19 úshin tapsyrǵan testtiń oń nátıjesin aldy. Kóp uzamaı ol aıaqtarynda, qolynda jáne moınynda qyzyl daqtardy baıqady.
Stenford ýnıversıtetiniń medıtsına professory jáne juqpaly aýrýlar jónindegi maman atap ótkendeı, maımyl sheshegi men koronavırýsty birýaqytta juqtyrýǵa bolady, degenmen bul «ǵajaıyp sátsizdik», óıtkeni vırýstar óte ártúrli.

DDU maımyl shesheginiń taralýyna baılanysty halyqaralyq deńgeıde tótenshe jaǵdaı jarııalaýdyń qajettiligin talqylady. DDU Tótenshe jaǵdaılar komıtetiniń otyrysynda sarapshylar Eýropa men Amerıkada aýrýdyń Afrıkaǵa qaraǵanda nege tez taralatynyn aıtyp, álemde qazir sheshekke qarsy vaktsınanyń shekteýli qory bar degen alańdaýshylyq bildirdi.

Komıtet sessııasyn ashqan DDU basshysy álemniń ártúrli elderinde vırýstyń kóbeıýine alańdaýshylyq bildirdi. Alaıda kóptegen faktorlardy qarastyrǵannan keıin ǵana tótenshe jaǵdaıdy jarııalaý qajet.

DDU komıtetiniń sarapshylary atap ótkendeı, Eýropa men Afrıkada aýrýdyń taralýy ártúrli. Afrıkada aýrý kóbinese baıaý taralady, óıtkeni syrqat aýyr ótedi dep mamandar atap ótti.

Koronavırýstyq ınfektsııamen aýyratyn adamdardyń 70%-i postkovıd sındromyna tap bolady.

Postkovıdtik sındrom kezinde este saqtaý, zeıin, sóıleý, qozǵalys jáne tanymdyq daǵdylarǵa jaýap beretin tanymdyq fýnktsııalar eń aldymen zardap shegedi.

Sondaı-aq, postkovıdtiń kórinisterine uıqynyń buzylýy, astenııa, bas aınalý jáne bas aýrýy jatady. Osyǵan súıene otyryp, mamandar belgiler paıda bolǵan jaǵdaıda dereý nevropatolog dárigerge júginýdi usynady.